2014 jylǵy 25 qarasha, Astana qalasy
Memlekettik jalpyǵa mindetti bilim berý standarttaryn ázirleý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 6-2) tarmaqshasyna sáıkes buıyramyn:
1. Osy buıryqqa qosymshaǵa sáıkes Memlekettik jalpyǵa mindetti bilim berý standarttaryn ázirleý qaǵıdalary bekitilsin.
2. Mektepke deıingi jáne orta bilim, aqparattyq tehnologııalar departamenti (J.A. Jontaeva):
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqty merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy qamtamasyz etsin.
3. Osy buıryqtyń oryndalýyn baqylaý vıse-mınıstr E.N. Imanǵalıevqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.SÁRINJIPOV.
Qazaqstan Respýblıkasy Bilim jáne ǵylym mınıstriniń
2014 jylǵy 25 qarashadaǵy № 484 buıryǵymen bekitilgen
Memlekettik jalpyǵa mindetti bilim berý standarttaryn ázirleý qaǵıdalary
1. Jalpy erejeler
1. Osy Memlekettik jalpyǵa mindetti bilim berý standarttaryn ázirleý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń (budan ári – Zań) 5-babynyń 6-2) tarmaqshasyna sáıkes ázirlendi jáne Memlekettik jalpyǵa mindetti bilim berý standarttaryn (budan ári – MJMBS) ázirleý tártibin aıqyndaıdy.
2. Osy Qaǵıdalarda mynadaı aıqyndaýlar paıdalanylady:
1) bilim berý salasyndaǵy ýákiletti organ – bilim berý salasyndaǵy basshylyqty jáne salaaralyq úılestirýdi júzege asyratyn Qazaqstan Respýblıkasynyń ortalyq atqarýshy organy.
2. Memlekettik jalpyǵa mindetti bilim berý standarttaryn ázirleý tártibi
3. Bilim berý salasyndaǵy ýákiletti organ Zańnyń 12-babyna sáıkes bilim berý deńgeıleri boıynsha MJMBS ázirleýdi uıymdastyrady.
4. MJMBS ázirleýge qoldanystaǵy bilim berý júıesin jetildirý qajettiligi, sonymen qatar Qazaqstan Respýblıkasy Prezıdentiniń 2010 jylǵy 1 aqpandaǵy № 922 «Qazaqstan Respýblıkasynyń 2020 jylǵa deıingi Strategııalyq damý jospary týraly» jarlyǵy negiz bolyp tabylady.
5. MJMBS ázirleýi Qazaqstan Respýblıkasy Bilim jáne ǵylym mınıstriniń buıryǵymen bekitilgen bilim berý salasyndaǵy mamandardan qurylǵan jumys tobymen jáne múddeli memlekettik organdardyń, bilim berý uıymdardyń, ǵylymı uıymdardyń, ǵylymı-ádistemelik ortalyqtardyń ókilderin tartý arqyly, respýblıkalyq salalyq jáne kásiptik qaýymdastyqtardyń, Ulttyq kásipkerler palatasynyń, tehnıkalyq jáne kásiptik, orta bilimnen keıingi, joǵary bilim kásiporyndary ókilderiniń qatysýymen júzege asyrylady.
6. MJMBS ázirlený barysynda múddeli memlekettik organdarmen, qoǵamdyq uıymdarmen kelisiledi.
7. MJMBS Zańnyń 4-bap 24-tarmaqshasyna sáıkes bekitiledi.
3. Bilim berýdiń memlekettik jalpyǵa mindetti standarttarynyń qurylymy
8. MJMBS-nyń qurylymy bilim berý deńgeıleri boıynsha mynadaı bólimderden turady:
1) jalpy erejeler;
2) bilim alýshylardyń jáne tárbıelenýshilerdiń daıyndyq deńgeıine qoıylatyn talaptar;
3) bilim berýdiń mazmunyna qoıylatyn talaptar;
4) oqý júktemesiniń eń joǵary kólemine qoıylatyn talaptar.
9. «Jalpy erejeler» bólimi kelesi bólimderdiń mazmunyn ashatyn aqparatty qamtýy tıis.
10. «Bilim alýshylardyń jáne tárbıelenýshilerdiń daıyndyq deńgeıine qoıylatyn talaptar» bóliminde árbir bilim deńgeıin aıaqtaǵan soń bilim alýshy men tárbıelenýshi meńgerýi tıis quzyretter tizbesi kórsetilýi qajet:
1) Mektepke deıingi tárbıe men oqytýdyń jalpy bilim beretin oqý baǵdarlamalary:
oqý, tárbıe, oqýshylardy damytý jáne densaýlyǵyn jaqsartý birlesken qaǵıdattaryn esepke ala otyryp mektepke deıingi jáne bastaýysh bilim berýdiń sabaqtastyǵy men úzdiksizdigin qamamasyz etedi;
árbir oqýshynyń qabiletin, ıkemdiligin, daryndylyǵyn iske asyrýǵa jáne damý ereksheligi men densaýlyq jaǵdaıyn eskere otyryp, dara tilin tabý negizinde bastaýysh bilim berý baǵdarlamalaryn meńgerýge daıyndalýyna baǵyttalǵan;
qarapaıym oqý, jazý, esepteý jáne tildesý tájirıbesi daǵdylaryn qalyptastyrady jáne bastaýysh bilimdi meńgerýge birdeı ádepki sharttar jasaýdy qarastyrady.
2) bastaýysh bilimniń jalpy bilim beretin oqý baǵdarlamalary adam, tabıǵat jáne qoǵam týraly propedevtıkalyq bilimdi qalyptastyrýǵa, rýhanı-adamgershilik qundylyqtardy damytýǵa, bilim alýdyń fýnksıonaldyq daǵdylaryn: sanaý, oqý, jazý, óz oıyn logıkalyq túrde jetkizýge, kez kelgen ortada qarym-qatynas ornata bilý, derbes jáne komandalyq jumysty tıimdi uıymdastyrýdyń negizi retinde aqparat izdeý, taldaý jáne túsindirý daǵdylaryn jas múmkinshilikterine qaraı damytýǵa baǵyttalǵan;
3) negizgi orta bilimniń jalpy bilim beretin oqý baǵdarlamalary bilim alýshylardyń ǵylym júıesiniń bazalyq negizderin meńgerýge, olardyń boıynda tulǵaaralyq jáne etnosaralyq qatynastyń joǵary mádenıetin qalyptastyrýǵa, jeke tulǵa retinde ózin-ózi tanytýyna jáne kásiptik baǵdarlanýyna baǵyttalady jáne oqýshylardyń beıinaldy daıyndyǵyn da qamtıdy;
4) jalpy orta bilimniń jalpy bilim beretin oqý baǵdarlamalary jaratylystaný-matematıkalyq jáne qoǵamdyq-gýmanıtarlyq baǵyttar boıynsha beıindik oqytýdy engize otyryp, saralaý, kiriktirý jáne bilim berý mazmunyn kásiptik baǵdarlaý negizinde ázirlenedi;
5) tehnıkalyq jáne kásiptik bilimniń bilim beretin oqý baǵdarlamalary mazmunyna jáne bilim alýshylar daıarlyǵynyń biliktilik deńgeıine qaraı Ulttyq biliktilik sheńberine sáıkes tómendegilerdi meńgerýge baǵyttalýy tıis:
óz betinshe josparlaý, mindetterdi aıqyndaý, tehnologııalyq prosess ýchaskesi jáne alǵa qoıylǵan mindetterdi oryndaýǵa jaýapkershilikti jáne sońǵy nátıjege qol jetkizýdi kózdeıtin kásiporyn qyzmetiniń strategııasy sheńberinde baǵynysty qyzmetkerlerdiń normalardy iske asyrýyn uıymdastyrý jáne baqylaýdy qarastyratyn, jetekshilik etýmen atqarýshylyq, basqarýshylyq qyzmetti iske asyrý jónindegi quzyretterdi;
belgilengen normany oryndaý tásilin óz betinshe anyqtaı bilý daǵdysy, eńbek zattary men quraldaryn qoldaný, qarapaıym mindetterdi oryndaý jóninde sheshimder qabyldaý, olardy iske asyrýǵa jaǵdaılar jasaý, alǵan tapsyrmalardy naqtylaý;
zattyń ózgerý tehnologııalary, eńbekti josparlaý jáne uıymdastyrý, tapsyrmany óz betinshe oryndaý týraly, baǵynysty qyzmetkerlerge mindetter qoıý, olardyń qyzmet nátıjelerin baǵalaý jáne taldaý, kásiptik qyzmettiń tıptik jaǵdaılarynda, tásilderinde, qaǵıdattarynda jáne kásiptik mindetter qoıý men olardy sheshý tásilderinde baǵynysty qyzmetkerlerdiń kásibı sheberligin arttyrýyn yntalandyrý, etıka jáne qarym-qatynastar psıhologııasy, oılaý jáne qyzmet refleksııasy, eńbekti motıvasııalaý jáne yntalandyrý tásilderi, kásiptik jaǵdaılardy júıelik taldaý jáne jobalaý ádistemesi, basqarýshylyq sheshimder qabyldaý, ujym jáne komanda qurý týraly bilimder;
6) orta bilimnen keıingi bilimniń kásiptik oqý baǵdarlamalary orta bilimi (jalpy orta nemese tehnıkalyq jáne kásiptik) bar azamattar qatarynan tehnıkalyq, qyzmet kórsetý jáne basqarýshylyq eńbek mamandaryn daıarlaýǵa baǵyttalýy tıis;
7) joǵary bilimniń kásiptik oqý baǵdarlamalary biliktilik jáne (nemese) «bakalavr» akademııalyq dárejesin bere otyryp, mamandar daıarlaýǵa, olardyń kásibı daıarlyǵyn júıeli túrde arttyrýǵa baǵyttalǵan, úshin jalpy bilim beretin, bazalyq jáne beıindeýshi pánder sıklderin meńgerýdi jáne tıisti mamandyqtar boıynsha kásiptik praktıkadan ótýdi kózdeıdi;
8) joǵary oqý ornynan keıingi bilim beretin oqý baǵdarlamalary joǵary sanatty ǵylymı jáne pedagog kadrlardy daıarlaýǵa, olardyń biliktilikterin júıeli túrde arttyrýǵa baǵyttalǵan, bazalyq jáne beıindi pánder qamtylǵan teorııalyq oqytýdy; ǵylymı-zertteý jumysyn júrgizip dıssertasııa jazýdy kózdeıdi;
9) joǵary jáne joǵary oqý ornynan keıingi bilimniń jalpyǵa mindetti bilim berý standartynda akademııalyq utqyrlyq baǵdarlamasy sheńberinde bilim alýshylardyń ıgeretin kredıtterin qaıta esepteý tártibi kórsetilgen;
10) joǵary oqý ornynan keıingi bilim berýdiń tıisti baǵdarlamalaryn meńgergen bilim alýshylarǵa «magıstr» akademııalyq dárejesi, PhD doktor nemese beıini boıynsha doktor ǵylymı dárejesi beriledi.
11. «Bilim berý mazmunyna qoılatyn talaptar» bóliminde maqsattar, qundylyqtar, bilim alýshylar men tárbıelenýshilerdiń tıptik jasy, ár deńgeı boıynsha bilim berý baǵdarlamalaryn meńgerýdiń normatıvtik merzimi sıpattalýy tıis.
1) Mektepke deıingi bilim berýdiń maqsaty:
mektepte oqýǵa qajetti bilim, bilik jáne daǵdylardy qalyptastyrý.
2) Orta bilimniń bóligi retinde bastaýysh bilim berýdiń maqsaty Orta bilimniń jalpy Qundylyqtary men Maqsattaryna negizdeledi.
3) Negizgi orta bilimniń maqsaty:
kásipti sanaly túrde tańdaýǵa jáne negiz bolatyn tulǵany qoǵam ómirine beıimdeý, tulǵanyń jalpy mádenıetin qalyptastyrý.
4) Jalpy orta bilim berýdiń maqsaty:
keń aýqymdy daǵdylarǵa (bilimdi shyǵarmashylyq turǵydan paıdalaný; syn turǵysynan oılaý; zertteý jumystaryn oryndaý; aqparattyq-kommýnıkasııalyq tehnologııalardy paıdalaný) ıe oqýshy tulǵasyn úılesimdi qalyptastyrý jáne damytý úshin qolaıly bilim berý keńistigin qurý;
til daǵdylaryn kiriktire otyryp, kommýnıkatıvti qarym-qatynas tásilderin qoldaný
jeke jáne topta jumys isteý daǵdylary.
5) Tehnıkalyq jáne kásiptik, orta bilimnen keıingi bilimniń maqsaty:
naqty biliktilik alýǵa jáne biliktilik deńgeıin arttyrýǵa qajetti quzyretterdi qalyptastyrý;
biliktilik deńgeıleriniń tómennen joǵaryǵa qaraı damýynyń úzdiksizdigi jáne sabaqtastyǵy;
bilim alýshylardyń mamannyń biliktilik deńgeıine sáıkes keletin, jalpy oqý-tárbıe prosesiniń barysynda qalyptastyrylatyn bazalyq quzyretterge ıe bolýy;
bilim alýshylardyń kásiptik qyzmettiń negizgi túrlerine sáıkes keletin kásiptik quzyretterge ıe bolýy;
bilim alýshylardyń kásiptik qyzmettiń negizgi túrlerine sáıkes keletin arnaıy quzyretterge ıe bolýy.
6) Joǵary jáne joǵary bilimnen keıingi bilimniń maqsaty:
stýdentterdiń daıyndyq deńgeıine jáne joǵary oqý oryndarynyń bilim berý qyzmetine qoıylatyn mindetti talaptardyń negizinde joǵary bilim sapasyn, sondaı-aq stýdentterdi oqytý deńgeıin jáne bilim berý baǵdarlamalarynyń sapasyn baǵalaýdyń obektıvtiligi men aqparattylyǵyn arttyrý.
7) Bastaýysh, negizgi orta, jalpy orta bilim berý qundylyqtary oqýshyny jaǵymdy minez-qulyq pen jasampazdyq is-áreketke yntalanýyna yqpal etetin turaqty ómirlik baǵdar bolyp tabylady. Orta bilim berý qundylyqtary óz múmkindigin ashatyn, ómiri men qorshaǵan ortanyń sapasyn jaqsarta alatyn jeke tulǵanyń qalyptasýynda jetekshi faktorǵa aınalady:
durys sheshim qabyldaý jáne qoǵam ómirine jasampazdyqpen aralasý, ózgeristerge ıkemdilik pen daıarlyqty kórsetý úshin shyǵarmashylyq jáne syn turǵysynan oılaý
aqparattyq-kommýnıkasııalyq quraldardy paıdalaný arqyly kez kelgen tildik ortada ujymmen jumys isteý úshin kommýnıkatıvti bolý;
qorshaǵan bolmysty obektıvti beıneleý úshin mádenıetter men pikirlerge qurmet bildirý;
Otan aldyndaǵy óz mindetterin atqarý jáne Qazaqstannyń damýyna úles qosý úshin jaýapty bolý, belsendi azamattyq ustanymyn kórsetý;
basqalarǵa qurmetpen qaraý úshin jyly shyraıly jáne qamqorshyl bolý;
kez kelgen ómir jaǵdaıynda óz tanymy men eńbek jolyndaǵy mansabynyń joǵarylaý prosesin óz betinshe retteý úshin ómir boıy oqýǵa daıyn bolý.
8) Tehnıkalyq jáne kásiptik, orta bilimnen keıingi bilim berýdiń qundylyqtary:
kásibı qyzmettegi, basqarý bastamasyndaǵy shyǵarmashylyqqa qabilettilik, kásiptik bilimdi damytýǵa jáne kásiptik qyzmet nátıjeleri úshin jaýapkershilik qabyldaý;
kásiptik utqyrlyqty, básekege qabilettilikti jáne qazirgi qoǵamda álemettik qorǵalýdy qamtamasyz etetin bilim, iskerlik men daǵdylar, qasıetter men qabiletter;
mamannyń kásiptik qyzmetti óz betinshe oryndaýǵa, óz eńbeginiń nátıjelerin baǵalaýǵa, qyzmettiń negizgi mindetterin sondaı-aq bilimniń, iskerliktiń, daǵdylardyń belgili kólemin sheshýge daıyndyǵy.
9) Joǵary bilim berýdiń qundylyqtary:
oılaý mádenıeti joǵary jáne dúnıetanymy keń joǵary bilimdi tulǵanyń qalyptasýyna yqpal etetin jaratylystaný ǵylymdary (áleýmettik, gýmanıtarlyq, ekonomıkalyq) pánderi salasynda bazalyq biliminiń bolýy;
qoǵamdyq pikirge, dástúrlerge, salttarǵa, qoǵamdyq normalarǵa negizdeletin áleýmettik-etıkalyq qundylyqtardy bilý, saqtaý jáne óziniń kásiptik qyzmetinde olarǵa súıený;
komandada jumys isteýge qabiletti bolý, óziniń kózqarasyn dáleldeı alý, jańa sheshimder usyna bilý;
túrli áleýmettik jaǵdaılarda sanaly túrde durys baǵyt ustana bilý, zamanaýı aqparattyq aǵyndy baǵdarlaı bilý jáne álemdik ekonomıkadaǵy qarqyndy túrde ózgerip otyratyn qubylystar men prosesterge beıimdele bilý;
ekonomıkany memlekettik retteý maqsattary men ádisterin, ekonomıkadaǵy memlekettik sektordyń rólin bilý jáne túsiný;
kúndelikti kásiptik qyzmetke jáne magıstratýrada bilim alýdy jalǵastyrýǵa qajetti jańa bilimdi meńgerý daǵdysynyń bolýy.
10) Joǵary bilimnen keıingi beıindik, ǵylymı jáne pedagogıkalyq magıstratýra qundylyqtary:
jaratylystaný (áleýmettik, gýmanıtarlyq, ekonomıkalyq) ǵylymdarynyń ádisnamalyq jáne fılosofııalyq ózekti problemalary týraly, álemdik bıznes-áriptestiktiń ekonomıkalyq, saıası, quqyqtyq, mádenı jáne tehnologııalyq ortasynyń qazirgi jaı-kúıi týraly túsinigi bolý;
ǵylymı tanymnyń ádisnamasyn, ekonomıka qurylymyn ózgertetin negizgi qozǵaýshy kúshterdi, ınvestısııalyq yntymaqtastyqtyń erekshelikteri men erejelerin bilý;
kásiptik qyzmette tanymnyń ǵylymı ádisterin qoldana bilý, prosester men qubylystardy zertteýdiń qoldanystaǵy tujyrymdamalaryn, teorııasy men ádisterin syn-kózben taldaı bilý, ártúrli pánder boıynsha meńgergen bilimdi ıntegrasııalaýy, olardy jańa belgisiz jaǵdaılarda taldamalyq jáne basqarýshylyq máselelerdi sheshýde qoldana bilý;
magıstrlik dıssertasııa, ǵylymı maqala, esep, taldamalyq jazbalar túrinde ǵylymı-zertteý jáne taldamaly jumys nátıjelerin jalpylaı bilý;
uıymdar men kásiporyndardyń ekonomıkalyq qyzmetin uıymdastyrýda jáne basqarýda ǵylymı taldaý jáne praktıkalyq máselelerdi sheshý daǵdylary;
kúndelikti kásiptik qyzmette jáne doktorantýrada bilimin jalǵastyrý úshin qajet bilimin keńeıtý jáne tereńdetý;
qoǵamdyq ómirdegi ǵylym jáne bilimniń róli týraly;
ǵylymı tanymnyń damýyndaǵy qazirgi úrdister týraly;
jaratylystaný (áleýmettik, gýmanıtarlyq, ekonomıkalyq) ǵylymdarynyń ádisnamalyq jáne fılosofııalyq ózekti problemalary týraly túsinigi bolý;
ǵylymı tanymnyń ádisnamasyn, ǵylymı qyzmetti uıymdastyrýdyń qaǵıdattary men qurylymyn, bilim berýdiń tıimdiligi men sapasyn arttyrýdyń psıhologııalyq ádisteri men quraldaryn bilý;
alǵan bilimin ǵylymı zertteýler kontekstinde ıdeıalardy qoldaný nemese ózindik damytý úshin qoldana bilý;
prosester men qubylystardy zertteýdiń qoldanystaǵy tujyrymdamalaryn, teorııasy men ádisterin syn-kózben taldaı alý;
joǵary mektep pedagogıkasy men psıhologııasynan alǵan bilimin óz pedagogıkalyq qyzmetinde qoldana bilý;
dıssertasııa, ǵylymı maqala, esep, taldmamalyq jazbalar jáne t.b. túrinde ǵylymı-zertteý jáne taldamalyq jumys nátıjelerin jalpylaı bilý;
kúndelikti kásiptik qyzmette jáne doktorantýrada bilimin jalǵastyrý úshin bilimin keńeıtý jáne tereńdetý daǵdysynyń bolýy.
11) mektepke deıingi deńgeıde oqytý mazmunyn uıymdastyrý tásili:
mektep jasyna deıingi balalardy tárbıeleý jáne oqytý jumysyna quzyrettilik tásil;
«Densaýlyq», «Kommýnıkasııa», «Tanym», «Shyǵarmashylyq», «Sosıým» bilim berý salalary arqyly uıymdastyrylǵan oqý qyzmetin uıymdastyrýǵa yqpaldastyq tásil;
quzyrettilik damý ındıkatorlary negizinde árbir balanyń jetistikterin dıagnostıkalaýdy júzege asyrý, ıaǵnı mektep jasyna deıingi balalardyń tolyq damý deńgeıin zertteý jáne qadaǵalaý quraldary negizinde qamtamasyz etiledi.
12) Bastaýysh, negizgi orta, jalpy orta bilim berý deńgeıinde oqytý mazmunyn uıymdastyrý tásilderi oqytý men tárbıeleý birligi prınsıpine sáıkes júzege asyrylady. Oqý prosesin uıymdastyrý kezinde oqýshylardyń jetekshi qyzmeti retinde oqýǵa basym ról beriledi. Oqý oqýshylardyń izdenýge, máselelerdi talqylaýda belsendilik tanytýǵa, kózqarasyn dáleldeýge, konstrýktıvti sheshim qabyldaýǵa degen yntasyn tanytý arqyly tájirıbe ıgerýin uıymdastyrýǵa negizdelgen ınteraktıvti oqytý ádisterin paıdalanýdy qarastyrady.
Damý jaǵynan múmkindikteri shekteýli oqýshylar úshin olardyń aıryqsha bilim alý qajettilikterin eskere otyryp, orta bilim alýy, damýyndaǵy kemistikti túzetýi jáne áleýmettik beıimdelýi úshin qajetti jaǵdaılar jasalady;
13) tehnıkalyq jáne kásiptik, orta bilimnen keıingi bilim berý mazmunyn uıymdastyrý tásilderi memlekettik jalpyǵa mindetti bilim berý standarttary negizinde ázirlenetin bilim berý oqý baǵdarlamalarymen anyqtalady;
14) oqytý mazmunyn uıymdastyrý tásilderi joǵary bilim deńgeıinde kredıttik oqytý tehnologııasy negizinde óz betinshe júzege asyrylady;
15) Bilim berý oqý baǵdarlamalaryn meńgerýdiń normatıvtik merzimi:
mektepke deıingi tárbıeleý men oqytý - 5 jyl;
bastaýysh bilim berý - 4 jyl;
negizgi orta bilim berý - 5 jyl;
jalpy orta bilim berý - 2 jyl;
tehnıkalyq jáne kásiptik bilim berý - belgilengen biliktilik deńgeıi men bilim alýshylardyń bazalyq bilim deńgeıiniń kúrdeliligine qaraı;
joǵary bilim berý – 4-5 jyl;
joǵary oqý ornynan keıingi bilim berý - 1 jyldan 3 jylǵa deıin.
12. «Bilim alýshylar men tárbıelenýshilerdiń oqý júktemesiniń eń joǵary kólemine qoıylatyn talaptar» degen bólimde bilim alýshylar men tárbıelenýshilerdiń oqý júktemesiniń eń joǵary kólemi anyqtalady:
1) mektepke deıingi tárbıeleý men oqytý – aptasyna 24 saǵattan artyq emes;
2) bastaýysh bilim berý – aptasyna 29 saǵattan artyq emes;
3) negizgi orta bilim berý - aptasyna 38 saǵattan artyq emes;
4) jalpy orta bilim berý - aptasyna 39 saǵattan artyq emes;
5) tehnıkalyq jáne kásiptik bilim berý - kúndizgi oqytý nysanynda aptasyna keminde 36 saǵat mindetti oqý júktemesin qosa alǵanda, aptasyna 54 saǵattan artyq emes;
6) orta bilimnen keıingi bilim berý - kúndizgi oqytý nysanynda aptasyna keminde 36 saǵat mindetti oqý júktemesin qosa alǵanda, aptasyna 54 saǵattan artyq emes;
7) joǵary bilim berý – oqytýdyń barlyq kezeńinde keminde 129 kredıt;
8) joǵary oqý ornynan keıingi bilim berý:
oqytýdyń barlyq kezeńinde ǵylymı jáne pedagogıkalyq magıstratýra boıynsha keminde 51 kredıt, 1,5 jyldyq beıindik magıstratýra boıynsha keminde 38 kredıt, 1 jyldyq beıindik magıstratýra boıynsha keminde 26 kredıt, oqytýdyń barlyq kezeńinde doktorantýra boıynsha keminde 60 kredıt.
Buıryq Qazaqstan Respýblıkasynyń Ádilet mınıstrliginde 2014 jylǵy 24 jeltoqsanda Normatıvtik quqyqtyq kesimderdi memlekettik tirkeýdiń tizilimine №9997 bolyp engizildi.